ՀՏՀ (Հաճախ տրվող հարցեր)

Ինչպիսի՞ կոնցենտրացիայով է հասանելի «ՄԻԳ^® երեխաների համար» դեղամիջոցը:

«ՄԻԳ® երեխաների համար» դեղամիջոցը
հասանելի է երկու կոնցենտրացիայով՝
– 2% = 100 մգ իբուպրոֆեն/ 5 մլ կամ 20 մգ իբուպրոֆեն/մլ
– 4% = 200 մգ իբուպրոֆեն /5 մլ կամ 40 մգ իբուպրոֆեն/մլ
Երկու դեպքում էլ Ձեր երեխան ստանում է նույն քանակությամբ ակտիվ նյութ: 4 տոկոսանոց դեղամիջոցի առավելությունն այն է, որ 2 տոկոսանոց դեղամիջոցի համեմատ կրկնակի կոնցենտրացիայի շնորհիվ Դուք երեխային տալիս եք միայն հեղուկի ծավալի կեսը: Սա առավելություն է, հատկապես՝ ավելի մեծ տարիքի երեխաների համար:

Ո՞ր տարիքից կարելի է ընդունել «ՄԻԳ® երեխաների համար» դեղամիջոցը:

«ՄԻԳ® երեխաների համար» 2% (100 մգ իբուպրոֆեն/5 մլ) դեղամիջոցը նախատեսված է 6 ամսականից (5 կգ) մինչև 9 տարեկան (29 կգ) երեխաների համար:

«ՄԻԳ® երեխաների համար» 4% (200 մգ իբուպրոֆեն/5 մլ) դեղամիջոցը նախատեսված է 1 տարեկանից (10 կգ) մեծ երեխաների, դեռահասների (> 40 կգ) և մեծահասակների համար:

Ինչպիսի՞ հաճախականությամբ պետք է ընդունել «ՄԻԳ® երեխաների համար» դեղամիջոցը:

Դեղաչափի միջակայքը պետք է ընտրվի ախտանիշներին և առավելագույն օրական դեղաչափին համապատասխան: «ՄԻԳ® երեխաների համար» դեղամիջոցը կարելի է նշանակել օրական մինչև 3 անգամ՝ տարիքով և մարմնի քաշով պայմանավորված դոզավորման կարգին համապատասխան: Դեղամիջոցի առանձին ընդունումների միջև պահպանեք առնվազն վեցժամյա ընդմիջում: Մի գերազանցեք առավելագույն օրական դեղաչափը:

Որքա՞ն ժամանակ պետք է ընդունել «ՄԻԳ® երեխաների համար» դեղամիջոցը

«ՄԻԳ® երեխաների համար» դեղամիջոցը նախատեսված է միմիայն կարճաժամկետ ընդունման համար: Եթե ախտանիշները բարդանում կամ պահպանվում են 3 օրից ավելի, դիմեք բժշկի:

Կարելի է արդյո՞ք «ՄԻԳ® երեխաների համար» դեղամիջոցը համատեղել այլ դեղամիջոցների հետ:

«ՄԻԳ® երեխաների համար» դեղամիջոցը և այլ դեղամիջոցները կարող են փոխազդել միմյանց հետ: Եթե երեխան պետք է ընդունի նաև այլ դեղամիջոցներ, ծանոթացեք ներդիր թերթիկին և խորհրդակցեք բուժող մանկաբույժի հետ:

Արդյո՞ք «ՄԻԳ® երեխաների համար» դեղամիջոցը պետք է ընդունել ուտելու ընթացքում:

«ՄԻԳ® երեխաների համար» դեղամիջոցը կարելի է ընդունել ինչպես ուտելու ընթացքում այնպես էլ ուտելուց հետո: Զգայուն ստամոքսով երեխաներին խորհուրդ է տրվում «ՄԻԳ® երեխաների համար» դեղամիջոցն ընդունել ուտելու ընթացքում:

Առկա են արդյո՞ք անհատական դոզավորման հրահանգներ:

Այո՛: Դեղաչափը հստակ պահպանելու համար՝ հետևեք ստորև բերված դոզավորման աղյուսակին:

«ՄԻԳ® երեխաների համար» 2% (100 մգ իբուպրոֆեն/5 մլ)

«ՄԻԳ® երեխաների համար» դեղամիջոցի դեղաչափը որոշվում է մարմնի քաշով կամ տարիքով. որպես կանոն միանվագ դեղաչափը կազմում է 7-10 մգ/կգ և առավելագույն օրեկան դեղաչածփը՝ 30 մգ/կգ:

Դեղամիջոցի առանձին ընդունումների միջև ընդմիջումը պետք է որոշվի ախտանիշներին և առավելագույն օրական դեղաչափերին համապատասխան: Դեղամիջոցի առանձին ընդունումների միջև պահպանեք առնվազն վեցժամյա ընդմիջում: Մի՛ գերազանցեք նշված առավելագույն օրական դեղաչափը:

Որքա՞ն ժամանակ կարելի է պահել «ՄԻԳ® երեխաների համար» դեղամիջոցը բացելուց հետո և ինչպիսի՞ պայմաններում է պետք այն պահել:

«ՄԻԳ® երեխաների համար» դեղամիջոցը պահպանման հատուկ պայմաններ չի պահանջում: Օգտագործելուց հետո փակեք կափարիչը: Ներարկիչից հանեք մխոցը, երկուսն էլ լվացեք գոլ ջրով և չորացրեք:
Այնուհետև «ՄԻԳ® երեխաների համար» 2% դեղամիջոցը կարելի է պահել 6 ամիս մինչև 25°C պայմաններում:
Այնուհետև «ՄԻԳ® երեխաների համար» 4% դեղամիջոցը կարելի է պահել 6 ամիս մինչև 30°C պայմաններում:

Որո՞նք են «ՄԻԳ® երեխաների համար» դեղամիջոցի առավելությունները

«ՄԻԳ® երեխաների համար» դեղամիջոցի ակտիվ բաղադրիչ իբուպրոֆենը հատկապես արդյունավետ է ջերմիջեցման և ցավազրկման գործում:

«ՄԻԳ® երեխաների համար» դեղամիջոցն ապահովում է արագ (սկսում է ազդել մոտ 15 րոպեում) և երկարատև (մինչև 8 ժամ) ջերմիջեցնող ազդեցություն և արդյունավետ է նաև բարձր ջերմության դեպքում:

Բացի այդ, իբուպրոֆենը մեղմացնում է ցավը և ունի հակաբորբոքային ազդեցություն:

Որպես կանոն, «ՄԻԳ® երեխաների համար» դեղամիջոցն ունի լավ տանելիություն և ելակի համ, որի շնորհիվ ավելի դյուրին է ընդունվում երեխաների կողմից:

«ՄԻԳ® երեխաների համար» դեղամիջոցը թողարկվում է դեղաչափը որոշելու համար նախատեսված պրակտիկ ներարկիչով, որն օգնում է պարզ և հստակ որոշել դեղաչափը: «ՄԻԳ® երեխաների համար» դեղամիջոցը չի պարունակում շաքար, գունանյութ կամ սպիրտ:

Արդյո՞ք «ՄԻԳ® երեխաների համար» դեղամիջոցը կարող է հանգեցնել ալերգիայի կամ դեղամիջոցի նկատմամբ անտանելիության առաջացմանը:

Ցավազրկող դեղամիջոցների, օրինակ՝ այսպես կոչված ոչ ստերոիդային հակաբորբոքային դեղամիջոցների (ՈՍՀԲԴ), որոնց դասին է պատկանում նաև իբուպրոֆենը, ընդունումը հազվադեպ է առաջացնում ալերգիկ ռեակցիաներ, ինչպիսիք են՝ մաշկային ցանը կամ ասթման: Նման ախտանիշների առաջացման պարագայում դրանց առաջին իսկ դրսևորման պահից հարկավոր է դադարեցնել «ՄԻԳ® երեխաների համար» դեղամիջոցի ընդունումը և անհապաղ դիմել բժշկի:

«ՄԻԳ® երեխաների համար» դեղամիջոցը պարունակում է հեղուկ մալիտիտոլ, որը դեղամիջոցների մեջ ավելացվող սովորական հավելում է և հաստատված է առողջապահության լիազոր մարմինների կողմից:
Մալտիտոլը բնական շաքարի փոխարինող է, որն ունի ավելի քիչ կալորիա և անվնաս է ատամների համար: Եթե բժիշկը Ձեզ հայտնել է, որ Ձեր երեխայի օրգանիզմն ունի անտանելիություն շաքարի որոշ տեսակների նկատմամբ, նախքան այս դեղամիջոցն ընդունելը խորհրդակցեք բուժող բժշկի հետ: