Ականջի ցավ (միջին օտիտ)

Ականջի ցավ

Կրծքի  և կրտսեր տարիքի երեխաները հաճախ ունենում են միջին ականջի վարակներ (միջին օտիտ): Որպես կանոն, նման վարակներն առաջանում են հանկարծակի քթի և կոկորդի հատվածի վարակին համընթաց: Ախտածին օրգանիզմները (բակտերիաներ, վիրուսներ) կարող են ներթափանցել միջին ականջի մեջ եվստախյան փողի միջոցով, որը կապում է ականջը և կոկորդը: Երեխաների մոտ եվստախյան փողն ավելի կարճ է, նեղ և ավելի հորիզոնական դիրք ունի, քան մեծահասակների մոտ: Բորբոքման ժամանակ այն այտուցվում է և արգելափակվում՝ հանգեցնելով միջին ականջում արտադրության և թարախի կուտակմանը:

Հնարավոր նշաններ

Միջին ականջի վարակի ամենատարածված ախտանիշը պուլսացող բնույթի ուժգին ցավն է, որից երեխան հաճախակի արթնանում է: Կրծքի հաակի երեխաների մոտ ցավն արտահայտվում է  անհանգստությամբ և քիչ քանակությամբ հեղուկ օգտագործելով: Նրանք կարող են ունենալ նաև փորլուծություն և բարձր ջերմություն: Բուժում չստանալու դեպքում միջին ականջի վարակը կարող է տարածվել դեպի ներքին ականջ և ուղեղի կարծր թաղանթ (ուղեղի թաղանթ):

Հնարավոր միջոցառումներ

Ե​րեխայի մոտ նման ախտանիշների առկայության դեպքում հարկավոր է անպայման դիմել բժշկի և բուժել հիմնական վարակը:

Հաճախակի ուժգին բնույթ կրող ցավն ուղեկցող ախտանիշները թուլացնելու և դրանով պայմանավորված ջերմությունն իջեցնելու համար  բժիշկը կարող է նաև նշանակել ցավը մեղմող և ջերմությունն իջեցնող օշարակ:

Իբուպրոֆենն օգնում է մեղմել ցավը, ունի հակաբորբոքային և ջերմիջեցնող ներգործություն:

Որպես ծնող՝ կարող եք նպաստել Ձեր փոքրիկի բուժմանը. տաքացրեք ականջը՝ ջերմային լամպով կամ վարակված հատվածի մոտ դրեք տաք ջրով շիշ. ջերմությունը մեղմում է ցավը: Դեկոնգեստանտ քթի կաթիլները կարող են օգնել բացել եվստախյան փողը՝  թույլ տալով, որպեսզի հեղուկը միջին ականջից հոսի դեպի կոկորդ:

Պատվաստումներ

Գոյություն ունեն պատվաստանյութեր մանկական հիվանդություններից շատերի կամ այլ հիվանդությունների դեմ: Ձեր փոքրիկին պատվաստելիս նրա օրգանիզմ են ներարկվում քիչ քանակությամբ թուլացած ակտիվությամբ վարակահարուցիչներ:  Ընդհանուր առմամբ, դրանք չեն կարող վնաս պատճառել Ձեր փոքրիկի օրգանիզմին: Այդուհանդերձ, իմունային համակարգը սկսում է պայքարել օտար մարմինների դեմ և ձևավորում է այսպես կոչված հիշողության բջիջներ: Երեխայի օրգանիզմը արդեն նախապատրաստված է. «Իրական» ախտածին մանրէների՝ երեխայի օրգանիզմ ներթափանցելու դեպքում իմունային համակարգը կճանաչի դրանք և կճնշի: Սակայն սա նշանակում է նաև, որ պատվաստումը ստանալուց կարճ ժամանակ անց Ձեր երեխայի մարմնի ջերմաստիճանը կարող է բարձրանալ: